Bu gün, 2 aprel, dünyada autizm haqqında məlumatlılığın artırılması və cəmiyyətin bu sindromla yaşayan insanlara dəstəyini gücləndirmək məqsədilə qeyd edilir.

Azmedinfo.az xəbər verir ki, autizm spektr pozuntusu (ASP) fərqli düşünmə və ünsiyyət tərzi ilə seçilən bir nevroloji xüsusiyyətdir. Erkən diaqnoz və düzgün müdaxilə autizmlə yaşayan uşaqların həyat keyfiyyətini artırmaqda mühüm rol oynayır.

Erkən müayinə: Uşağınızın sosial və nitq bacarıqlarında gecikmə müşahidə edirsinizsə, pediatra müraciət edin. Erkən diaqnoz və terapiya mühüm əhəmiyyət daşıyır.

Fərdi inkişaf dəstəyi: Autizmlə yaşayan uşaqların ehtiyaclarına uyğun xüsusi təhsil proqramları və davranış terapiyaları onların inkişafına müsbət təsir göstərir.

Qidalanmaya dirqqət: Düzgün qidalanma, xüsusilə də vitamin və mineral balansı, autizmi olan uşaqların ümumi sağlamlığı və davranışları üçün faydalıdır.

Sensor yanaşma: Autizmi olan uşaqlar fərqli sensor həssaslığa malik ola bilər. Onların rahatlığını təmin etmək üçün sakit mühit yaratmaq vacibdir.

Cəmiyyətin dəstəyi: Autizm haqqında məlumatlılığın artırılması və inklüziv mühitin yaradılması, bu sindromla yaşayan fərdlərin cəmiyyətə daha aktiv inteqrasiyasına kömək edir.

Unutmayaq ki, autizmlə yaşayan insanlar cəmiyyətimizin bir hissəsidir və onların bacarıqlarını üzə çıxarmaq üçün hər birimizin dəstəyi önəmlidir!