İsrail Pediatriya Onlayn Məktəbinin 4-cü günü uğurla sona çatıb

12 Aprel 2025

526

İsrail Pediatriya Onlayn Məktəbinin 4-cü günü uğurla sona çatıb

Vebinar proqramının son günü həkim pediatr t.ü.f.d. Sevinc Mehdiyevanın moderatorluğu ilə pediatriya sahəsində mühüm və aktual mövzulardan biri olan Neonatal sepsisə həsr olunub.

Azmedinfo.az xəbər verir ki, günün məruzəçisi Dr. Rimma Melamed “Neonatal sepsis: epidemiologiyadan müalicəyə qədər” mövzusunda geniş və dolğun təqdimatla çıxış edib. Təqdimatda neonatal sepsisin epidemiologiyası, risk faktorları, klinik əlamətləri, diaqnostik yanaşmaları, müasir müalicə protokolları ətraflı şəkildə müzakirə olunub və iştirakçıların çoxsaylı sualları cavablandırılaraq interaktiv müzakirə mühiti yaradılıb.

Günün sonunda institutun direktoru dosent Aynur Poluxova çıxış edərək bu tədris proqramının təşkilində əməyi olan hər kəsə, xüsusilə də dəyərli mühazirələri ilə bilik və təcrübələrini bölüşən spikerlərə təşəkkürünü bildirib. O, iştirak edən 200-dən çox pediatrın aktivliyini yüksək qiymətləndirərək bu platformanın elmi və praktiki baxımdan nə qədər faydalı olduğunu vurğulayıb. Eyni zamanda gələcəkdə də bu cür maarifləndirici və elmi tədbirlərin davam etdiriləcəyini bildirib.

Beləliklə, 4 gün davam edən İsrail Pediatriya Onlayn Məktəbi həm elmi, həm də praktiki baxımdan son dərəcə faydalı və uğurlu bir platforma olub. Vebinarda iştirak edən bütün həkimlərə təşəkkür edir və gələcək tədbirlərdə yenidən görüşməyi arzulayırıq.