Tibbi biznesdə Lovemark anlayışı xəstənin yalnız tibbi xidmət almaması, həm də yaşadığı hissi yadda saxlaması deməkdir.

Azmedinfo.az xəbər verir ki, Dr. Cəbrayıl Abbasovun vurğuladığı kimi, bu yanaşma tibb müəssisəsində sadəcə müalicə yox, etibar, qayğı və təhlükəsizlik atmosferi yaratmaqdan keçir.

Əgər pasiyent klinikanızı tərk edərkən “Burada özümü xəstə kimi yox, insan kimi hiss etdim” deyirsə, deməli, siz Lovemark yolunda doğru addımlayırsınız.

Lovemark səviyyəsinə yüksələn klinikalar xəstələrinə müştəri kimi yox, dəyər verilən bir insan kimi yanaşır. Orada yalnız xidmət deyil, yadda qalan emosional təcrübə təqdim olunur. Belə müəssisələr reklamdan çox, real pasiyent tövsiyələri ilə böyüyür. Bundan əlavə, alternativlər çox olsa belə, xəstələr yenə də həmin klinikanı seçir, çünki özlərini orada daha güvəndə hiss edirlər.

Dr. Abbasovun qeyd etdiyi kimi tibbi biznesdə Lovemark olmaq gələcəyin ən güclü uğur açarıdır. Çünki tibbdə ən böyük kapital insan etibarını qazanmaqdır.