Yaroslavl Onkoloji Xəstəxanasının baş həkimi Pavel Nesterov regional Dumaya verdiyi hesabatda regionda xərçəngə yoluxma hallarının artmaqda davam etdiyi barədə məlumat verib.

Azmedinfo.az "Arqumentı i faktı" nəşrinə istinadən yazır ki, həkim pis ekologiya ilə xərçəng xəstəliyi arasında əlaqəni inkar edərək, buna təsir edən heç bir əsas səbəbi müəyyən edə bilmədiyini qeyd edib.

Bundan əlavə, onkoloq xəstələnmənin artmasının diaqnostikanın yüksək səviyyədəaparılması ilə əlaqəli olduğuna inanır. Çünki əvvəllər diaqnostika imkanları aşağı olduğundan xərçəng müəyyən edilmirdi.

Digər yandan xəstəliyin artmasına baxmayaraq, ölüm halları azalıb. Bu da müalicə metodlarının təkmilləşməsi ilə əlaqədardır.