Alimlər qonokoklarla mübarizənin yeni yolunu öyrəniblər.

Alimlər ən təhlükəli patogenlərdən biri olan qonoreyaya səbəb olan və antibiotiklərə tez müqavimət göstərən qonokok (Neisseria gonorrhoeae) ilə mübarizə apara bilən yeni kəşfə imza atıblar.

Azmedinfo.az xəbər verir ki, tədqiqat "Nature Microbiology" jurnalında dərc olunub.

Almaniyanın Konstanz Universiteti və Avstriyanın Vyana Universitetindən olan bir qrup alim maddələrin perspektivli sinfini – alkilxinolonları müəyyən ediblər. Onlar bakteriyaların bir-biri ilə döyüşmək üçün istifadə etdiyi molekullar kimi tanınır və onların arasında laboratoriyada sintez edilmiş variant 2-nonil-4-xinolon-N-oksid (NQNO) xüsusilə seçilib.

Təcrübələrin göstərdiyi kimi, NQNO qonokok hüceyrələrində elektron daşıma zəncirini dayandırır ki, bu da bakteriyalarda ciddi daxili stressə səbəb olur və özünün zəhərli məhvetmə proqramını aktivləşdirir. Eyni zamanda, maddə insan hüceyrələrinə və faydalı bakteriyalara zərərli təsir göstərmir.

Siçanlar üzərində aparılan təcrübələrdə yeni terapiya infeksiyaya qarşı yüksək effektivlik göstərib. Üstəlik, elm adamları kimyəvi modifikasiya yolu ilə onun effektivliyini artıraraq NQNO-nu təkmilləşdirə bilbilər.

Neisseria gonorrhoeae, tədqiqatçıların fikrincə, digər mikrobların müqavimət genlərini tez uyğunlaşdırmaq və qəbul etmək qabiliyyətinə görə Ümumdünya Səhiyyə Təşkilatının prioritet patogenlər siyahısına daxil edilmiş ən təhlükəli superböcəklərdən biridir.

Yeni yanaşma, xüsusən də mövcud dərmanlara davamlı ştamların meydana çıxmasını nəzərə alsaq, infeksiyaya qarşı mübarizədə mühüm addım ola bilər.