Voronej Dövlət Universitetinin mütəxəssislərinin iştirakı ilə beynəlxalq tədqiqatçılar qrupu diş minasının strukturunu təqlid edən və antibakterial xüsusiyyətlərə malik nanokompozit örtük yaradıblar.

Azmedinfo.az "Ecopravda" nəşrinə istinadən yazır ki, hidroksiapatit və xinolin törəmələrinə əsaslanan material cəmi 30 dəqiqə ərzində diş səthində güclü təbəqə əmələ gətirir və Streptococcus spp.-nin yayılmasının qarşısını alır. 

Təcrübələr təsdiqləyib ki, örtük minaya möhkəm yapışır, onun teksturasını bərpa edir və onun mikrosərtliyi təbii toxumadan cəmi 10-20% aşağıdır.

Voronej Dövlət Universitetinin Bərk cisimlər fizikası və nanostrukturlar kafedrasının müdiri Pavel Seredin bildirib ki, gələcəkdə biz onun real klinik praktikaya yaxın şəraitdə davamlılığını, eləcə də uzunmüddətli istifadə zamanı biouyğunluğunu və effektivliyini öyrənməyi lanlaşdırırıq.