Yaponiyalı tədqiqatçılar milli tibbi lisenziya imtahanından uğurla keçə bilən generativ süni intellekt sistemi hazırlayıblar.

Azmedinfo.az hökumətin Milli İnformatika İnstitutunun məlumatına istinadən yazır ki, sistem 700.000-dən çox lisenziyalı tibbi məqalə, məşhur tibbi internet saytlarından 16 milyon sənəd və dərsliklərdən ibarət hərtərəfli məlumat toplusundan istifadə etməklə öyrədilib.

Milli tibbi lisenziya imtahanında “uğur həddini keçə” bilən sistem qlobal miqyasda hazırlanmış LLM modelləri arasında da yüksək bal toplayıb.

Bildirilib ki, universitetlər, elmi-tədqiqat institutları və özəl şirkətlər də daxil olmaqla 40-a yaxın təşkilatla birgə istehsal edilən süni intellekt sistemi ilkin müayinə nəticələrinə əsasən mümkün diaqnozları təklif edə bilər.

NII layihəsi çərçivəsində yeni sistemin kliniki müalicəni dəstəkləmək və əməliyyat səmərəliliyini artırmaq üçün istifadə edilməsi planlaşdırılır.