İyun ayının 28-də Azərbaycan Hepato-Pankreato-Biliar Cərrahlar İctimai Birliyinin (AHPBCA) təşkilatçılığı ilə Quba şəhərində 4-cü regional elmi-paktiki konfrans keçiriləcək.

Azmedinfo.az xəbər verir ki, "Zülmətdə işıq axtarışı - Pankreas xərçənginə multidisiplinar yanaşma" adlı bu multidisiplinar konfransın əsas məqsədi pankreas xərçənginin erkən diaqnostikası, müalicə metodları və multidisiplinar yanaşmalar haqqında məlumat mübadiləsini təmin etmək, həmçinin cərrahlar, onkoloqlar, endoskopistlər, radioloqlar, patoloqlar və digər ixtisas mütəxəssisləri arasında əməkdaşlığı gücləndirməkdir və yeni təcrübələr qazanmaqdır.

Qeyd edək ki, adıçəkilən elmi-praktiki konfrans Azərbaycan Respublikası Səhiyyə Nazirliyi tərəfindən Davamlı tibbi təhsil kredit balı ilə akkreditasiya olunacaqdır.