İyun ayının 21-də Səhiyyə Nazirliyinin və Azərbaycan Cərrahiyyə, Qastroenterologiya və Onkologiya Assosiasiyasının təşkilatçılığı ilə "Mədə xərçənginə müasir baxış - hər yönü ilə mədə xərçəngi" adlı elmi-praktiki konfrans keçiriləcək.

Azmedinfo.az xəbər verir ki, bu multidisiplinar konfransın əsas məqsədi mədə xərçənginin erkən diaqnostikası, müalicə metodları və multidisiplinar yanaşmalar haqqında məlumat mübadiləsini təmin etmək, həmçinin cərrahlar, onkoloqlar, endoskopistlər, radioloqlar, patoloqlar və digər ixtisas mütəxəssisləri arasında əməkdaşlığı gücləndirməkdir və yeni təcrübələr qazanmaqdır.

Konfransın proqramında mədənin cərrahi anatomiyasına, metastatik mədə xərçənginin müalicə seçimlərinə, erkən mərhələ mədə xərçəngində endoskopik cərrahiyyəyə, mədə xərçəngi müalicəsinin təkamülünə və s. bu kimi müasir dünya elminin çağırışlarına cavab verən innovativ məruzələr yer alıb.

Qeyd edək ki, adıçəkilən elmi-praktiki konfrans Azərbaycan Respublikası Səhiyyə Nazirliyi tərəfindən Davamlı tibbi təhsil kredit balı ilə akkreditasiya olunacaqdır.

"Mədə xərçənginə müasir baxış - hər yönü ilə mədə xərçəngi" adlı elmi-praktiki konfransın informasiya dəstəkçisi azmedinfo.az - Azərbaycan Tibbi İnformasiya və Səhiyyə Portalıdır.

Tədbirin proqramı ilə tanış ola bilərsiniz: file:///C:/Users/Hello/Downloads/Mede%20xercengi.pdf