Sizi 22 İyul – Milli Mətbuat Günü və Azərbaycan milli mətbuatının 150 illik yubileyi münasibətilə səmimi-qəlbdən təbrik edirəm!

Qısa zaman ərzində tibbi sahədə formalaşaraq etibarlı informasiya mənbəyinə çevrilən azmedinfo.az portalının fəaliyyətini yüksək dəyərləndiririk. Xüsusilə də, əhalinin sağlamlıq savadlılığının artırılması, tibbi maarifləndirmə və tibb ictimaiyyətinin məlumatlandırılması istiqamətində gördüyünüz işlər təqdirəlayiqdir.

İnformasiya cəmiyyətinin inkişafında üzərinizə düşən bu məsuliyyətli və şərəfli missiyanı peşəkarlıqla yerinə yetirdiyinizə görə Sizə təşəkkür edir, gələcək fəaliyyətinizdə möhkəm cansağlığı, yeni uğurlar və davamlı inkişaf arzulayıram.

Hörmətlə,
Sarvan Kərimov
AMEA Rəyasət Heyəti aparatının mətbu orqanı
"Elm və həyat" elmi-populyar jurnalının məsul katibi