Bu gün Azərbaycan tarixinin əlamətdar günlərindən biridir. Hər birimiz  qürur və fəxarət hissi ilə milli mətbuatımızın 150 illik yubileyini qeyd edirik.

Gənc yaşlı azmedinfo.az-ın qələm sahiblərinin müasir dünya elminin çağırışları ilə səsləşən yaşıl səhiyyə, rəqəmsal tibb, tibbi turizm istiqamətində davamlı araşdırma yazıları, müxtəlif xəstəliklərin diaqnostikası, profilaktikası və müalicəsi ilə bağlı paylaşdıqları xəbərlər tibbi jurnalistika sahəsində yüksək peşəkarlıq göstərdiklərini əks etdirir.

Əziz və dəyərli azmedinfo.az ailəsi, bayramınızı təbrik edir, hər birinizə cansağlığı, səadət, çətin və şərəfli sənət yolunuzda uğurlar arzulayıram.

Hörmətlə,

Elgün SƏMƏDOV

Azərbaycan Cərrahiyyə, Qastroenterologiya və Onkologiya Cəmiyyətinin sədr müavini, ümumi cərrah

22 iyul 2025-ci il