1875-ci ildə görkəmli maarifpərvər və mütəfəkkir Həsən bəy Zərdabinin yaratdığı “Əkinçi” qəzeti ilə başlanan milli mətbuat yolu sonrakı dövrlərdə vətənsevər ziyalılarımızın ərsəyə gətirdiyi digər mətbu nümunələrimiz tərəfindən davam etdirilib.

"Bu gün "Əkinçi"nin xələfləri arasında öz peşəkarlığı ilə seçilən Azərbaycan Tibbi İnformasiya və Səhiyyə Portalı səhiyyə ictimaiyyətinin və vətəndaşların dəyərli dostudur" desək, yanılmarıq.

Əziz azmedinfo.az əməkdaşları, hər birinizi 22 İyul - Milli Mətbuat Günü münasibətilə səmimi qəlbdən təbrik edir, ictimaiyyətin qarşılaşdığı cərrahi və digər xəstəliklərlə mübarizədə həkimlərimizə göstərdiyiniz informasiya dəstəyi kimi taleyüklü fəaliyyətinizdə uğurlar arzu edirəm.

Hörmətlə,

Arzu Rüstəmova

Azərbaycan Tibb Universiteti Tədris Cərrahiyyə Klinikasının
3-cü Cərrahi xəstəliklər kafedrasının assistenti, ümumi cərrah

22 iyul 2025-ci il