Əczaçılıq sahəsində nəzarət tədbirləri davam etdirilir. Səhiyyə Nazirliyinin Analitik Ekspertiza Mərkəzi tərəfindən iyul ayı ərzində apteklərdə bir sıra yoxlamalar həyata keçirilib.

Azmedinfo.az xəbər verir ki, məlumata əsasən, bu müddət ərzində Bakıda 21, regionlarda isə 27 aptek olmaqla ümumilikdə 48 əczaçılıq müəssisəsi yoxlamadan keçib.

Keçirilən yoxlamaların 10-u əvvəlcədən planlaşdırılmış, 37-si plandankənar, biri isə operativ təftiş xarakteri daşıyıb.

Nəticədə, 19 aptekdə müxtəlif nöqsanlar müəyyən olunub və bu faktlarla bağlı İnzibati Xətalar Məcəlləsinin 210.1, 221.1, 452.1 və 452.3-cü maddələri üzrə müvafiq protokollar tərtib edilib.