Sinir toxumasını "sevən" bəzi virus və bakteriyaların Alzheimeri tətiklədiyi məlumdur. Bu siyahıya zonaya səbəb olan "varicella zoster" virusu da daxil edilib. Yetkinlərin zona peyvəndi vurdurması demansa qarşı təsirlidir.

Azmedinfo.az T24-ə uistinadən yazır ki, Türkiyə Alzheimer Dərnəyinin Tibbi Şurasının sədri Prof. Dr. Başar Bilgiç bildirib ki, peyvənd hələ ki, Alzheimerdən qorunma strategiyalarına daxil edilməyib. Amma mən "Şəxsən nə edə bilərəm?" deyə soruşanlara zona peyvəndi vurdurmağı məsləhət görürəm. Peyvəndlənmək bir daşla iki quş vurmaq kimidir. Türkiyədə zona peyvəndi var. Lakin ödənişlidir. Ümid edirəm ki, Səhiyyə Nazirliyimiz Böyük Britaniyada olduğu kimi yaşlılara (hətta məncə, orta yaşda da ola bilər) pulsuz zona peyvəndi tətbiq edəcək."

Gazi Universiteti Tibb Fakültəsi İnfeksiya Xəstəlikləri Ana Bilim Dalının müəllimi Prof. Dr. Esin Davutoğlu Şenol zona peyvəndinin demans daxil olmaqla təsirləri haqqında bunları deyib: "Yaxşı bir yaşlanma və funksional bir ömür üçün peyvəndlər çox vacibdir. Zona eyni zamanda damar sisteminizdə də iltihablanma yaradır. İltihablanma isə insult və infarkt risklərini artırır. Demansı da azaltdığı göstərilən zona peyvəndi, yaxşı yaşlanma proqramlarının bir hissəsidir. 50 yaşdan yuxarı hər kəsə, immuniteti zəifləmiş (zona olmaq da bunu göstərir) şəxslərə isə iki doza şəklində peyvənd vurdurmağı tövsiyə edirik. Dozaların iki ay arayla edilməsinə üstünlük veririk, lakin altı ay ara da ola bilər. İnaktiv bir peyvənd olduğu üçün digər peyvəndlərlə birlikdə vurula bilər."