M.V. Lomonosov adına Moskva Dövlət Universitetinin professoru Aleksey Aqranovski Hindistanda yayılan Nipah virusu ilə bağlı şərh verib.

Azmedinfo.az "RİA Novosti"yə istinadən yazır ki, alimin sözlərinə görə, bu xəstəliyin daşıyıcısı meyvəyeyən yarasalar deyil. Qeyd edib ki, Nipah virusu endemik xarakter daşıyır və yalnız müəyyən tropik bölgələrdə rast gəlinir. 

Professor bildirib ki, insan bu virusa yarasaların ifrazatları ilə təmasda olduqda, həmçinin virus qidaya və ya suya düşdükdə yoluxa bilər. Əlavə edib ki, virusun insandan insana keçməsi ehtimalı azdır. Buna görə də Nipah virusunun yayılma ehtimalı da azdır.

Rusiya Elmlər Akademiyasının akademiki Gennadi Onişşenko da bu məsələ ilə bağlı fikir bildirərək səyahətlər zamanı ehtiyatlı olmağı tövsiyə edib. O, yoluxmadan qorunmaq üçün əlləri və tərəvəzləri mütləq yumağı vacib hesab edib. Alim həmçinin əlavə edib ki, virusa qarşı vaksin hazırlamaq nəzəri cəhətdən mümkün olsa da, hazırda belə bir ehtiyac yoxdur.