Çili hökuməti hantavirusdan ölüm hallarının artması səbəbindən ölkə üzrə sanitar-epidemioloji həyəcan rejimi elan edib.

Azmedinfo.az "Gazeta" nəşrinə istinadən yazır ki, bu barədə ölkənin Səhiyyə Nazirliyi məlumat yayıb.

Bildirilib ki, cari ilin əvvəlindən indiyədək 46 yoluxma qeydə alınıb, onlardan 18-i ölümlə nəticələnib.

Həyəcan rejimi 2027-ci il iyulun 31-dək qüvvədə olacaq.

Qeyd edək ki, hantaviruslar kiçik məməliləri yoluxdurur, lakin insanlara da keçə bilir. Ağır hallarda infeksiya ağciyər zədələnməsinə, ürək çatışmazlığına və hemorragik qızdırmaya səbəb olur.