Azərbaycan Pediatrlar Assosiasiyasının dəstəyi ilə qurumun üzvü olan tanınmış tibb alimləri beynəlxalq elmi bazalarda tədqiqatları ilə ölkəmizi uğurla təmsil edirlər.

Azmedinfo.az xəbər verir ki, azərbaycanlı alimlərin müəllifi olduğu növbəti məqalə dünyanın ən nüfuzlu elmi nəşrlərindən biri olan "Frontiers in Forests and Global Change" jurnalında işıq üzü görüb.

Məqalələdə bəhs olunan tədqiqatda COVID-19 infeksiyasının və D vitamini statusunun uşaqlarda iltihabi reaksiyalara səbəb ola bilmə təsirləri araşdırılıb.

Tədqiqat işinin ərsəyə gəlməsində t.ü.f.d., dosent Təranə Tağı-zadə, t.ü.f.d. İlhamə Hüseynova, t.e.d., professor Nailə Sultanova, t.e.d., professor Ələkbər Həsənov, t.ü.f.d., dosent İsmayıl Qafarov, t.ü.f.d., dosent Fəxriyyə Məmmədova və t.ü.f.d. Aysel Süleymanlı iştirak ediblər.

Qeyd edək ki, dünya elmi ictimaiyyəti tərəfindən qəbul edilən yüksək reytinqli nəşrlərdən olan bu jurnal beynəlxalq elmi bazalarda Q1 kateqoriyasındakı jurnallar siyahısında yer alır.