"Süd vəzi patologiyalarının multimodal radioloji diaqnostikası" onlayn kursu çərçivəsində "Süd vəzi multimodal görüntülənmə texnikası" adlı canlı praktik master-klass təşkil olunacaqdır.

Azmedinfo.az xəbər verir ki bu unikal tədbir zamanı iştirakçılar real praktik nümunələr üzərində multimodal görüntülənmə üsullarını yaxından öyrənmək, müasir diaqnostik yanaşmaları tətbiqi şəkildə izləmək və peşəkar təcrübələrini artırmaq imkanı qazanacaqlar.

Tədbirdə iştirak etmək istəyən mütəxəssislər üçün xüsusi üstünlüklər nəzərdə tutulub. Yalnız onlayn kurs iştirakçılarına master-klass ödənişi üçün 50% endirim tətbiq olunacaq.

Master-klassda yerlər məhdud olduğu üçün maraqlanan mütəxəssislərin qeydiyyatdan keçməsi mütləqdir. Qeydiyyat prosesi 28 fevral 2026-cı il tarixində onlayn kursun bitməsi ilə eyni vaxtda yekunlaşacaqdır.

Ünvan: Medical Media studiyası, Mərdanov Qardaşları 127.

Tarix və saat: 9 aprel 2026-cı il, saat 16:00-dan 19:00-dək.

İştirak etmək istəyənlər buradan müraciət edə bilərlər.