Müasir təbabətdə texnologiyaların tətbiqi ana və uşaq sağlığı sahəsində kritik dönüş yaratmağa davam edir.

Azmedinfo.az "The Conversation" nəşrinə istinadən yazır ki, doğuş prosesi zamanı gözlənilmədən yaranan ağırlaşmalar həkimlər üçün hələ də ən böyük çağırışlardan biridir. Bu sahədə riskləri minimuma endirmək məqsədilə ABŞ-da alimlər doğuş zamanı ana və körpənin vəziyyətini real vaxt rejimində izləyən yenilikçi süni intellekt sistemi hazırlayırlar.

Layihəyə ABŞ hökuməti tərəfindən 4,8 milyon dollar maliyyə dəstəyi ayrılıb.

Hazırlanan texnologiya doğuş zamanı oksigen çatışmazlığı və digər təhlükəli vəziyyətləri erkən mərhələdə aşkar edərək həkimlərə vaxtında müdaxilə etmək imkanı verəcək. Tədqiqatçılar bildirirlər ki, sistem uğurla tətbiq olunarsa, həm ana, həm də körpə arasında ağır fəsadların və ölüm hallarının azalmasına kömək edə bilər.