Bakı Sağlamlıq Mərkəzinin Baş həkim müavini uzman Dr. Zakir Quliyev Şirvan Şəhər Mərkəzi Xəstəxanasında “Tənəffüs yolu infeksiyaları zamanı rasional antibiotik terapiyası” mövzusunda seminar keçirib.

Azmedinfo.az xəbər verir ki, seminarda Şirvan Şəhər Mərkəzi Xəstəxanasının direktoru Pərviz Rüstəmbəyov və İmişli-Sabirabad TƏB Mərkəzinə daxil olan tibb müəssisələrinin heyəti iştirak edib.

Seminarda Səhiyyə Nazirliyinin həkim-eksperti, Bakı Sağlamlıq Mərkəzinin daxili xəstəliklər uzmanı, Zakir Quliyev tənəffüs yolu infeksiyalarının epidemiologiyası və patogenizi, tənəffüs yolu infeksiyalarında antibiotik terapiyasının prinsipləri, rasional antibiotik istifadəsi: Klinik halların təhlili, antibiotiklərin dozalanması və müalicə müddətinin təyin edilməsi, yan təsirlərin və fəsadların qarşısının alınması mövzularında geniş məlumatlar verib.

Sonda iştirakçılar arasında qarşılıqlı fikir mübadiləsi aparılıb və suallar cavablandırılıb.