Qadın Sağlamlığı Mərkəzi İctimai Birliyi tərəfindən 5 oktyabr 2026-cı il tarixindən 17 dekabr 2026-cı il tarixinədək “GynSono – əsasdan ekspert ultrasonoqrafiyaya qədər: protokollar və pasiyent təhlili” adlı tədris kursu keçiriləcək.

Azmedinfo.az xəbər verir ki, kursun məruzəçisi Dr. Fəridə Abbasovadır. Hibrid formatda təşkil olunacaq təlim çərçivəsində həm onlayn, həm də əyani dərslər keçiriləcək. Offline dərslər Universal Hospitalda təşkil olunacaq.

Dərslər hər həftənin bazar ertəsi və cümə axşamı günləri keçiriləcək. Təlimlərin başlanma saatı mövzudan asılı olaraq 19:00, 20:00 və ya 20:30 olacaq.

Qeyd edək ki, kurs Azərbaycan Respublikası Səhiyyə Nazirliyi tərəfindən akkreditasiya olunacaqdır. Kursu uğurla başa vuran iştirakçılara rəsmi sertifikat və 44 DTT kredit balları təqdim ediləcəkdir.

Təşkilatçıların məlumatına görə, proqram yalnız nəzəri biliklərin artırılmasına deyil, eyni zamanda iştirakçıların klinik baxışının inkişaf etdirilməsinə və gündəlik praktikada daha inamlı qərarlar qəbul etməsinə yönəlib.

Kursda iştirak etmək istəyən şəxslər qeydiyyat üçün https://forms.gle/qzNqkbfjcWWg12468 linkindən istifadə edə və ətraflı məlumat almaq üçün +994 70 541 21 44 nömrəsi ilə əlaqə saxlaya bilərlər.