Tokio Metropoliten Universitetinin alimləri aşkar ediblər ki, Fen1 adlı DNT təmir zülalı, "Alovudin" kimi bəzi güclü preparatlara hüceyrə dözümlülüyünü artırır.

Azmedinfo.az "Medikforum"a istinadən xəbər verir ki, "Alovudin" uzun illərdir virus (məsələn, HIV) və xərçəng müalicəsində istifadə edilən, DNT-nin çoxalmasını dayandıran maddələrdən biridir. Problem ondadır ki, bu dərman çox toksikdir, ona görə də kliniki sınaqları dayandırılıb. Səbəb sağlam hüceyrələrin də zərər görə bilməsi dir.

Alimlər araşdırıblar ki, Fen1 adlı DNT təmir zülalı sağlam hüceyrələrin bu toksik təsirə qarşı dözümlü olmasına kömək edir. Fen1 replikasiya zamanı yaranan kiçik “DNT parçalarını” kəsib təmizləyir.

Əgər Fen1 yoxdursa, 53BP1 adlı başqa bir zülal həmin yarımçıq DNT hissələrinin üzərinə toplanır və digər təmir mexanizmlərinə mane olur. Nəticədə DNT çoxalması dayanır və hüceyrə zədələnir.

Maraqlısı odur ki, 53BP1 geni də silinərsə, hüceyrələr yenidən dərmana dözümlü olur.

Bu mexanizmin öyrənilməsi xərçəng müalicəsində iki istiqamətdə faydalı ola bilər:

Yeni dərmanlar — Fen1-in funksiyasını nəzərə alaraq daha hədəfli və az toksik müalicələr hazırlamaq.

Biomarker kimi istifadə — Fen1 səviyyəsi aşağı olan xərçəng növlərini müəyyən edib, müalicə strategiyasını ona uyğunlaşdırmaq.