Lomonosov adına Moskva Dövlət Universitetinin alimləri sonsuz siçovulların sağlam nəsillər yetişdirməsinə kömək edən dərman hazırlayıblar.

Azmedinfo.az xəbər verir ki, bu barədə TASS  məlumat yayıb.

“Testlər göstərib ki, dərman təhlükəsizdir və həqiqətən işləyir. Siçovullar çoxalma qabiliyyətini bərpa edib və sağlam nəsillər veriblər”, - Moskva Dövlət Universitetindən bildirilib.

"Medireg" dərmanı toxumaların bərpasına kömək edən bioloji maddələrə əsaslanır. Bu maddələr təkcə heyvanlar üçün deyil, həm də insanlar üçün vacib olan regenerasiya prosesini işə salır”, - Moskva Dövlət Universitetinin regenerativ təbabət laboratoriyasının rəhbəri Anastasiya Efimenko izah edib.

Rusiya Səhiyyə Nazirliyi artıq dərmanın klinik sınaqlarını təsdiqləyib. Onlarda sonsuzluğun ağır formalarından əziyyət çəkən 21-60 yaş arası kişilər iştirak edə biləcək.

Alimlər ümid edirlər ki, bu dərman əvvəllər hətta müasir tibbi texnologiyaların köməyi ilə uşaq sahibi ola bilməyənlərə atalıq şansı verəcək.