Temporomandibular oynağın disfunksiyası çənənin funksionallığını məhdudlaşdırır və o qədər ağrılıdır ki, həyat keyfiyyətini azaldır.

Azmedinfo.az xəbər verir ki, botoks olaraq da bilinən botulinum toksini getdikcə effektiv müalicə üsuluna çevrilsə də, onun əzələ disfunksiyası kimi yan təsirləri haqqında narahatlıqlar var.

Texas Universitetinin Tibb Elmləri Mərkəzinin alimləri botoksun müalicə üsulu kimi istifadə imkanlarını araşdırıblar. Müəyyən ediblər ki, botoks inyeksiyaları yan təsirlərə səbəb olmadan bilavasitə temporomandibular oynaqla əlaqəli ağrıları, hətta neyron aktivliyini azaldırlar.

Müəlliflərin fikrincə, tədqiqatın nəticələri bunu deməyə əsas verir ki, botoksun yan təsirləri əzələ toxumasından qaçaraq və toksini bilavasitə temporomandibular oynağa yeritməklə aradan qaldırıla bilər.