Rusiya Elmlər Akademiyasının (RAN) akademikləri yeni koronavirus dalğasının baş verə biləcəyini gözləyirlər. Bu fonda alimlər infeksiyaya qarşı mübarizədə mövcud problemləri müzakirə ediblər. Müzakirələr elmi şuranın telemost formatında aparılıb.

Azmedinfo.az "Actualnews"a istinadən xəbər verir ki, akademik Aleksandr Sergeyev yeni mərkəzin yaradılması üzərində işlərin davam etdiyini bildirib. Bu mərkəz yeni pandemiyaların cəmiyyətə təsirinin psixoloji və tibbi nəticələrini öyrənəcək.

Həkim Sergey Alxovski qeyd edib ki, koronavirus zoonoz infeksiyalara aiddir və insanlar virusu yarasalar vasitəsilə yoluxa bilər. Yeni dalğaların qarşısını almaq üçün virusların təbii rezervuarları öyrənilməlidir.

Akademik T.Areq BCG peyvəndi vurdurmuş insanların koronavirusa qarşı daha yaxşı qorunduğunu təsdiqləyib. Onların immun sistemi “təlim keçmiş” olduğu üçün daxil olan viruslara daha sürətlə reaksiya verir.

Akademik Viktor Maleyev virusun təkamül xarakterindən narahatdır. O bildirib ki, yüngül formada xəstələnən insanlar izolyasiya edilməsə, yeni pandemiyaların riski arta bilər. Həmçinin Maleev xəstəxanalarda robot texnologiyasından istifadə edilməsinin vacibliyini vurğulayıb.