Alimlər müəyyən ediblər ki, miokard infarktının inkişafında gizli bakterial infeksiyanın rolu ola bilər.

Azmedinfo.az xəbər verir ki, yeni araşdırma "Journal of the American Heart Association" (JAHA) jurnalında dərc olunub.

Mütəxəssislər damar problemi olan 217 xəstədən götürülmüş aterosklerotik lövhələrin nümunələrini təhlil ediblər. Nəticələr göstərib ki, demək olar, nümunələrin yarısında ağız boşluğunda yaşayan viridans-streptokokların DNT-si aşkar olunub. Bu bakteriyalar aterosklerotik lövhələrin mərkəzində bioplyonkalar əmələ gətirərək immun sistemindən gizləniblər. Lövhə bütöv qaldığı müddətdə immun cavabı işə düşməyib, lakin o zədələndikdə bakteriyalar ətraf toxumalara yayılıb, TLR2 reseptorlarını aktivləşdirib və iltihaba səbəb olub. Bu isə damar divarının zədələnməsinə və infarkta gətirib çıxara bilib.

Tədqiqatçılar əlavə ediblər ki, bu bakteriyalar daha çox ağır aterosklerozu və ürək-damar xəstəlikləri olan şəxslərdə rast gəlinib. Bu isə xroniki bakterial infeksiyalarla ürəyin işemik xəstəliyində ölümcül fəsadların riski arasında mümkün əlaqəyə işarə edir.