Telefonun ixtirası ilə tanınan və eşitmə qüsurlu ana və həyat yoldaşının eşitmədiyi səsləri yazmağı bacaran Aleksander Qraham Bellin  eşitmə itkisi ilə bağlı çoxsaylı araşdırmaları var.

Azmedinfo.az xəbər verir ki, görkəmli şotland alimin eşitmə qüsurlu insanlar üçün gördüyü işin şərəfinə onun doğum ili - 3 mart 1947-ci ildə Ümumdünya Qulaq və Eşitmə Günü kimi qeyd olunur.

Bildiyimiz kimi insanlar üçün ən təsirli ünsiyyət üsulu nitqdir. Hər bir sağlam doğulan körpə mənsub olduğu və yaşadığı cəmiyyətin dilində danışmağı öyrənir. Dili öyrənmək və danışmaq üçün ilk şərt eşitməkdir. Eşitmək üçün sağlam qulaqlar lazımdır. Sağlam doğulan və yaxşı eşitmə qabiliyyətinə malik hər bir körpə heç bir problem olmadan öz ana dilini öyrənir və danışır.

Eşitmə və danışma problemli uşaqlarda ünsiyyət zəif olduğundan psixoloji və sosial inkişaf da pozulur. Uşaq ünsiyyətdən qaçmağa, həmyaşıdlarından və digər insanlardan uzaqlaşmağa, öyrənmə problemləri yaşamağa başlayır.

Cəmiyyətin özəyi olan ailələrin üzərinə düşən vəzifə övladlarının qulaq və eşitmə sağlamlığının qayğısına qalmaq, onların müvafiq diaqnoz və müalicə almasını təmin etməkdir. Sağlam ünsiyyət qura bilən fərdlər sağlam və xoşbəxt cəmiyyətlər yaradırlar.