Xalazion göz qapaqlarında yerləşən meybom vəzlərinin axacağının tutulması nəticəsində yaranan xoşxassəli düyündür. Bu xəstəlik, meybom vəzlərindəki vəzi sekretinin xaric olunmaması səbəbindən yaranır.

Azmedinfo.az xəbər verir ki, oftalmoloq Naibə Bağırova xalazionun müalicəsi ilə bağlı fikirlərini paylaşaraq, xəstəliyin müxtəlif müalicə üsullarını vurğulayıb.

O, ilkin mərhələlərdə konservativ yanaşmanın vacibliyini qeyd edib: "Bu yanaşma, göz qapaqlarının gigiyenası, massajı və antibiotik, iltihab əleyhinə məlhəmlərdən istifadəni əhatə edir".

Qeyd edib ki, daha irəliləmiş vəziyyətlərdə, xəstəliyin müalicəsi üçün xalazion boşluğuna steroid inyeksiyası tətbiq oluna bilər. Əgər müalicə nəticə verməzsə, cərrahi müdaxilə tələb oluna bilər.

Xalazionun müalicəsində ən yaxşı nəticə üçün həkimə vaxtında müraciət etmək çox önəmlidir.