Burun çəpəri əməliyyatı günümüzdə çəkic istifadəsi olmadan, bint tamponlar olmadan, burun içərisindən bir ovuc qığırdaq çıxarılmadan icra edilir.

Azmedinfo.az xəbər verir ki, lor cərrah Cavid İsmayılov burun əyriliyin düzəldilməsi əməliyyatı adlanan septoplastikaya yeni yanaşmadan bəhs edib: "Burun çəpəri öndə qığırdaq və arxada iki sümükdən ibarətdir. Bu quruluş burun belinin ön 2/3 hissəsini havada tutar, nəfəs almada önəmli bir vəzifəyə sahibdir. Bir çox hallarda burun çəpərində olan bütün qığırdaq strukturu burun içərisindən çıxarılır. Bu da gələcəkdə burun belində çökmələrə, nəfəs almada çətinliyə, burun ucunda sallanmaya, burun belində donqarlığın yaranmasına səbəb ola bilər".

"Biz burun çəpərində olan əyrilyi ən müasir üsul olan piezo cihazı ilə, çəkic istifadəsi olmadan, bint tamponlardan istifadə etmədən, heç bir şişkinlik olmadan, burun çəpərindəki qığırdaqları xaric etmədən, tam ağrısız 10-15 dəqiqəlik əməliyyatla tam aradan qaldırırıq", - deyə həkim qeyd edib.

Sağlam yaşam üçün burundan nəfəs alın…