Amerikalı elm adamları bir düyü dənəsindən kiçik olan və bədənə yeridilə bilən dünyanın ən kiçik kardiostimulyatorunu hazırladıqlarını açıqladılar.

Azmedinfo.az "Medimagazin"ə istinadən yazır ki, cəmi 1 millimetr qalınlığında və 3,5 millimetr uzunluğunda yeni hazırlanmış simsiz kardiostimulyator şprisin ucuna sığacaq qədər kiçikdir. Cihaz xəstənin sinəsinə yapışdırılmış yumşaq yamaq ilə birləşdirilir. Yamaq nizamsız ürək döyüntülərini aşkar etdikdə, kardiostimulyatora hansı ritmin stimullaşdırılması lazım olduğunu bildirmək üçün işıq siqnalları göndərir.

Alimlər gələcəkdə insanlar üzərində sınaqdan keçirilməsi planlaşdırılan naqilsiz kardiostimulyatoru “təməl qoyan ixtira” adlandırıblar. Tədqiqatın müəllifi ABŞ-ın Şimal-Qərb Universitetinin professoru. Con Rocers bildirdi ki, kardiostimulyator 2-3 il ərzində insanlarda sınaqdan keçirilə bilər.

Bildirilib ki, bu innovativ cihaz tibb dünyasının digər sahələrində də inkişaflara ilham verə bilər.