Liken Planus (Lichen planus) stress kimi səbəblərdən yaranan xoşxassəli dəri problemidir. Xəstəlik qollarda, ayaqlarda, ağızda, qida borusu, burun keçidləri və dildə görünən səpgilərlə, kiçik qabarlarla xarakterizə olunur.

Azmedinfo.az xəbər verir ki, həkim Xatirə İsmayılovanın sözlərinə görə, bu nə irsi, nə də yoluxucu xəstəlik deyil: "Liken planusunun dəqiq səbəbi bilinməsə də, allergiya, stress, viral infeksiyalar və zəif immunitet sistemi səbəbindən baş verə bilər".

Həkim qeyd edib ki, Liken planusun yüngül formaları adətən bir neçə həftə ərzində keçib gedir və müalicə tələb etmir. Ancaq simptomlar şiddətli olarsa, tibbi yardım tələb oluna bilər. Qısa müddətdə bu xəstəliyi tamamilə aradan qaldıracaq bir müalicə yoxdur. Müalicənin məqsədi xəstəliyin əlamətlərini və şiddətini azaltmaqdır.

Ümumiyyətlə, həkim ağızdan alınan və ya krem kimi istifadə edilən antihistaminikləri tövsiyə edir.