Ayaqda qarışqalanma, adətən sinirlərin sıxılması, qan dövranının azalması və ya sinir iltihablanması kimi hallarla əlaqələndirilir.

Azmedinfo.az xəbər verir ki, uzman neyrocərrah Röyal Mehtiyev bəzi yaygın səbəbləri sadalayıb:

1. Sinir sıxılması: Bel yırtığı, sinir sıxılması və ya diabet kimi vəziyyətlər sinirlərin zədələnməsinə və qarışqalanma hissi yaratmağa səbəb ola bilər.

2. Dolaşım problemləri: Qan axınının azalması, məsələn, varikoz damarlar və ya periferik arter xəstəliyi kimi hallar ayaqda qarışqalanma hissi yarada bilər.

3. B12 vitamini çatışmazlığı: Sinir sağlamlığı üçün vacib olan B12 vitamini çatışmazlığı qarışqalanma və uyuşma hisslərinə səbəb ola bilər.

4. Sinir iltihabları: Məsələn, tez-tez şəkər xəstəliyinə bağlı olaraq inkişaf edən nevropatiya qarışqalanma hissi yarada bilər.

5. Fiziki duruş problemləri: Uzun müddət eyni vəziyyətdə durmaq və ya oturmaq sinir sıxılmasına və qarışqalanma hissinə səbəb ola bilər.