Əhali arasında yüksək təzyiq dediyimiz hipertoniyaya ürək-damar və böyrək xəstəliklərinin səbəb olduğu düşünülür.

Azmedinfo.az xəbər verir ki, endokrinoloq Rəhilə Mansurun sözlərinə görə, bu xəstəliyin önəmli səbəblərindən biri də endokrin, yəni hormonal pozğunluqdur.

Həkim hansı endokrinoloji xəstəliklər zamanı arterial təzyiqin yüksəldiyini sadalayıb:

- Metabolik sindrom (insulin dirənci, dislipidemiya)
- Qalxanabənzər vəz xəstəlikləri (hipertiroidizm, hipotiroidizm)
- Böyrəküstü vəz xəstəlikləri (Feoxromositoma, Kuşinq sindromu, Hiperaldosteronizm)
- Hipofiz vəz xəstəlikləri (Akromeqaliya)

Endokrinoloq qeyd edib ki, əgər xəstədə hormonal səbəbə bağlı hipertoniya varsa, xəstələr müalicədən sonra bundan da xilas ola bilirlər.