Zəhərli zob olaraq bilinən hipertireoidizm tiroid vəzin çox işləyərək qana normadan artıq tireoid hormonu sintez etməsidir.

Azmedinfo.az xəbər verir ki, bu barədə endokrinoloq Rəhilə Mansur məlumat verib.

Həkimin sözlərinə görə, bu hal qadınlarda kişilərlə müqayisədə daha çox rast gəlinir.

Endokrinoloq qeyd edib ki, qanda tireoid hormon və TSH səviyyələrinə baxmaqla hipertireoidizm diaqnozu qoyula bilir.

O, hipertireoidizmin əsas rast gəlmə səbəblərini və əlamətlərini sadalayıb:

-Qreyvs xəstəliyi
-Toksik adenoma
-Tiroiditlər( tireoid vəzin iltihabı)
-Bəzi dərmanlar
-Hipofiz vəzidə şiş

Hipertireodizmli xəstələrdə əsasən, aşağıdakı əlamətlər rast gəlinir:

-Ürəkdöyünmə
-Yüksək arterial təzyiq
-Çəki itkisi
-İstiyə dözümsüzlük,tərləmə
-Əllərdə titrəmə
-Əsəbilik
-Ekzoftalm (Gözlərdə bərəlmə)
-Tireoid vəzin böyüməsi
-İshal
-Saçlarda qırılma və tökülmə
-Adət düzənsizliyi
-Sonsuzluq