Ürək xəstəlikləri çox vaxt klassik, geniş şəkildə tanınan simptomlarla özünü büruzə vermir. Bu səbəbdən, əksər hallarda ürək, kiçik və nəzərə çarpmayan siqnallarla sizə xəbərdarlıq edir. Bu kiçik siqnallar birgə olduqda isə ciddi ürək xəstəliklərinin başlanğıcını göstərir.

Azmedinfo.az xəbər verir ki, bu fikirləri bildirən Səhiyyə Nazirliyinin Elmi-Tədqiqat Kardiologiya İnstitutunun direktoru, professor Gülnaz Dadaşova hər kəsin diqqət yetirməli olduğu həmin siqnalları sadalayıb:

- Pilləkənlə hərəkət edərkən və ya gəzərkən döş qəfəsində ağrı

- Əvvəllər rahatlıqla yerinə yetirdiyiniz işləri edərkən tənginəfəslik və yorğunluq hissi

- Sadə işlər zamanı belə yorğunluq hissinin yaranması

- Heç bir səbəb olmadan qəfil ürək döyünmələri

Professor vurğulayıb ki, bu simptomlar bir çox ürək xəstəliyinin ilk əlamətləri ola bilər və zamanında müayinə edilməsi vacibdir. Bu cür simptomları müşahidə etdikdə dərhal həkimə müraciət etmək lazımdır. Erkən müayinə və müdaxilə ilə ciddi problemlərin qarşısını almaq mümkündür.

Unutmayın ki, ürəyinizin göndərdiyi kiçik siqnallar böyük sağlamlıq problemlərinin qarşısını almağa kömək edə bilər. Ürək sağlamlığınızı qorumaq üçün diqqətli olun!

Ətrfalı videoda: