Antalyada yaşayan 21 yaşlı Sıla Kahraman 4 yaşında başlayan qeyri-ixtiyari nəcis tutmama problemi səbəbindən 16 il uşaq bezi taxmaq məcburiyyətində qalıb. Təxminən iki il əvvəl Akdeniz Universiteti (AU) Xəstəxanasına müraciət edən pasient öz qarın piyindən əldə edilən kök hüceyrələrlə zənginləşdirilmiş xüsusi qarışığı bədəninə yeritməklə sağlamlığına qovuşub.

Azmedinfo.az "Medimagazin"ə istinadən yazır ki, universitetin professoru Dr. Özgür Dandin və komandasının hazırladığı və ilk dəfə istifadə etdiyi əməliyyat sayəsində Sılanın xəstəliyinə son qoyulub.

"Sıla bu günə qədər bir çox müalicə üsullarını sınadı, amma nəticə vermədi. Diaqnoz qoymaq üçün apardığımız elektrofizioloji müayinələrdə anal sfinkter əzələlərini işlədən sinirlərdə zədələnmələr aşkar etdik. Əvvəllər tətbiq edilən klassik üsulların işə yaramadığını gördükdə alternativ müalicə axtarmağa başladıq. Xəstənin qarın toxumasından alınan kök hüceyrələrin mexaniki filtrasiya və yağ toxumasından fayda əldə etməyi planlaşdırdıq. Beləcə yağ toxumasının mexaniki doldurma təsiri ilə birlikdə kök hüceyrələrin sağalma və bərpaedici təsirlərini aşkarladıq", - deyə professor bildirib.

Daha əvvəl də anal yırtıq, fistula və yaraların müalicəsində oxşar üsullardan istifadə etdiklərini xatırladan Dos. Doktor Dandin bildirib ki, metodu ilk dəfə Sıla üzərində tətbiq etdik. Əməliyyatdan sonra heç bir fəsad olmadı. Xəstəmiz ilk dəfə bağırsaq hərəkətlərini idarə edə bildiyini söylədi. Bu həm bizim, həm də ailəsi üçün böyük sevinc oldu.

Təxminən 8 ay sonra edilən check-uplarda xəstədə əhəmiyyətli bir yaxşılaşmanın görüldüyünü vurğulayan professor qeyd edib ki, yeni müayinələrdə heç bir patoloji tapıntı aşkar edilmədi. Artıq müalicənin üstündən 15-16 ay keçib və heç bir problem yaşamır. İlkin olaraq ikinci seans planlamışdıq, amma lazım olmadı. Bu ilk uğurlu tətbiqdən sonra oxşar şikayətləri olan bir çox xəstəyə eyni əməliyyatı etdik və əhəmiyyətli müvəffəqiyyət əldə etdik.