Çikaqo Universitetinin tədqiqatçıları gündəlik işlərinin öhdəsindən gəlməkdə çətinlik çəkən və “kövrək” hesab edilən yaşlı insanlar üzərində araşdırma aparıblar.

Azmedinfo.az xarici mediaya istinadla xəbər verir ki, aparılan tədqiqatlar orta templə yeriməyin yaşlı insanların müstəqil hərəkət etmələrinə və gündəlik işlərini daha asan yerinə yetirmələrinə kömək etdiyini göstərib. 

Belə ki, çikaqolu alimlər tədqiqata cəlb etdikləri "kövrək" dövrə aid yaşlı insanları iki qrupa bölüblər. Birinci qrupdan bacardıqca sürətlə yeriməyi, digər qrupdan isə rahat templə yeriməyi istəyiblər. Nəticədə dəqiqədə 14 addım atan yaşlılarda zəiflik və kövrəklik əlamətlərinin daha az olduğunu aşkarlayıblar.

Dəqiqədə 14-dən çox addım atan yaşlı insanların daha uzun məsafə qət edə bildiyini ortaya çıxarıb. Alimlərin qənaətincə bu, yaşlıların fiziki vəziyyətinə töhfədir.

Tədqiqatçılar bildiriblər ki, bir az sürətli addımlarla yerimək yaşlı insanlara müstəqil hərəkət etməyə və gündəlik işləri daha asan yerinə yetirməyə kömək edir. Beləliklə, tədqiqatçılar yaşlı insanlara addımlarını və yeriyərkən dəqiqədə neçə addım atdıqlarını ölçmələrini tövsiyə edirlər.

Azərbaycan Tibbi İnformasiya və Səhiyyə Portalı - azmedinfo.az hər yaş dövründə olan oxucularına uzun ömür, sağlam və firavan həyat diləyir.