Efiopiya səhiyyə rəsmilərindən gələn son məlumata görə, ölkədəki Marburq virusu epidemiyasında yeni ölüm halları təsdiqlənib.

Azmedinfo.az ÜST-ün məlumatına istinadən xəbər verir ki, ilk dəfə noyabr ayının ortalarında bildirilən və ölkənin cənub hissəsində müşahidə edilən epidemiyada hazırda 12 təsdiqlənmiş hal var. Səhiyyə Nazirliyi ötən həftə bildirmişdi ki, indiyə qədər 73 şübhəli şəxs test edilib və 349 təmasda olan şəxs izlənilir. 

Adətən meyvə yarasalarından insanlara keçən, bədən mayeləri və çirklənmiş materiallarla təmas yolu ilə yayıla bilən, Ebola ilə eyni ailədən olan şiddətli və çox vaxt ölümcül viral hemorragik qızdırma Efiopiyada ilk dəfədir ki, epidemiya yaradır. Daha əvvəl dünyada 19 epidemiya qeydə alınmışdı.

Əvvəlki epidemiyalarda xəstələrin ölüm nisbəti %24 ilə %88 arasında dəyişirdi.

Eboladan fərqli olaraq, Marburq virusunun pevyəndi yoxdur.

Ümumdünya Səhiyyə Təşkilatının (ÜST) Baş direktoru Dr. Tedros Adhanom Qebreyesus keçirdiyi mətbuat konfransında bildirib ki, ÜST səhiyyə işçiləri üçün test materialları və qoruyucu avadanlıqlar təmin edir və yerli hakimiyyət orqanlarına dəstək olmaq üçün mütəxəssislər göndərib.