Hər gün nəfəs aldığımız hava sağlamlığımıza təsir edir. Hava çirkliliyi tənəffüs yolları xəstəliklərinə, ürək-damar problemlərinə və ekoloji tarazlığın pozulmasına səbəb ola bilər. Bu problemi birlikdə həll edə bilərik.

Azmedinfo.az hava çirkliliyini azaltmaq üçün atacağımız addımlar barədə mütəxəssislərin tövsiyələrini təqadim edir:

• Daha çox piyada gəzin və ya velosiped sürün. Qısaməsafəli səyahətlər üçün avtomobildən imtina edərək ətraf mühiti qoruyun.
• Enerji qənaət edən cihazlara keçin. Az enerji sərf edən texnologiyalar hava çirkliliyini azaltmağa kömək edir.
• Tullantıları məsuliyyətlə idarə edin. Plastik və digər tullantıları düzgün çeşidləyin və təkrar emal edin.
• İctimai nəqliyyatdan və elektriklə işləyən nəqliyyat vasitələrindən istifadə edin. Bu, həm şəhər havasını təmiz saxlayar, həm də tıxacları azaldar.
• Bərpa olunan enerjidən istifadə edin. Günəş və külək enerjisi kimi ekoloji təmiz alternativlərə üstünlük verin.
• Daha təmiz bişirmə üsullarına keçin. Havaya zərərli tüstülərin yayılmasının qarşısını almaq üçün təbii qaz və ya ekoloji yanacaq növlərinə keçin.
• Yaşıllıq sahələrini qoruyun və artırın. Daha çox ağac əkmək və yaşıl məkanları genişləndirmək havanın təmizlənməsinə kömək edir.
  
  

Biz birlikdə hərəkət etsək, daha təmiz və sağlam bir mühitdə yaşaya bilərik.