Bu gün – 22 aprel tarixində dünyada Beynəlxalq Yer Kürəsi Günü qeyd olunur. Bu günün məqsədi insanları ətraf mühitin qorunması, iqlim dəyişikliyi ilə mübarizə və təbii resurslardan dayanıqlı istifadə məsələlərində maarifləndirməkdir.

Azmedinfo.az xəbər verir ki, Yer kürəsinin “sağlamlığı” artıq təkcə ekoloqların deyil, bütün bəşəriyyətin diqqətindədir. Sürətlə artan sənayeləşmə, meşələrin qırılması, plastik tullantılar, havanın çirklənməsi və iqlim dəyişiklikləri dünyanın “biosistem tarazlığı”nı pozur. Bu pozuntular təkcə təbiətə deyil, insanların fiziki və psixoloji sağlamlığına da birbaşa təsir göstərir.

ÜST və digər beynəlxalq təşkilatlar dəfələrlə bəyan ediblər ki, təmiz hava, sağlam su və sabit iqlim şərtləri olmadan insanların da sağlam qalması mümkün deyil. Bu baxımdan Yer kürəsinin sağlamlığının qorunması, əslində, insan sağlamlığının qarantiyasıdır.

Hər bir insan gündəlik həyatında kiçik dəyişikliklərlə böyük fərq yarada bilər: tullantıların çeşidlənməsi, plastikdən imtina, suya və enerjiyə qənaət, ağacəkmə aksiyalarına dəstək və s.

Unutmayaq: Sağlam Yer – Sağlam Gələcək deməkdir!