Ümumdünya Səhiyyə Təşkilatı (ÜST) əhaliyə çağırış edərək bildirir ki, antibiotiklər yalnız bakterial infeksiyaların müalicəsində effektivdir və soyuqdəymə, qrip kimi virus mənşəli xəstəliklərə qarşı təsirli deyil. Mütəxəssislər qeyd edir ki, bu cür dərmanların düzgün istifadə edilməməsi antibiotiklərə qarşı müqavimətin (antibiotik rezistentliyinin) artmasına səbəb olur ki, bu da gələcəkdə bir çox infeksiyaların müalicəsini çətinləşdirə bilər.
a
Azmedifo.az ÜST-ə istinadən yazır ki, antibiotiklərin ehtiyac olmadan qəbulu sağlamlıq üçün ciddi risklər yaradır. Xəstəliyin əlamətləri virus infeksiyasını göstərirsə, antibiotiklərin istifadəsi həm faydasız olur, həm də orqanizmdə mövcud olan faydalı bakteriyaların məhv olunmasına gətirib çıxarır. Bu səbəbdən vətəndaşlardan xahiş olunur ki, antibiotik qəbul etməzdən əvvəl mütləq ixtisaslı tibb işçisinə müraciət etsinlər və yalnız həkim təyinatı əsasında dərman qəbul etsinlər.

Qeyd edək ki, antibiotiklərə qarşı müqavimət hal-hazırda qlobal sağlamlıq üçün ciddi təhdid hesab olunur və bu istiqamətdə maarifləndirmə tədbirlərinin genişləndirilməsi ÜST-ün əsas prioritetlərindən biridir.