Antibiotiklər yalnız bakterial infeksiyaların müalicəsində effektivdir. Onlar soyuqdəymə, qrip və digər virus mənşəli infeksiyalara qarşı təsirli deyil. Buna baxmayaraq, bir çox hallarda insanlar bu cür viral xəstəliklər zamanı həkim məsləhəti olmadan antibiotik qəbul edir ki, bu da ciddi sağlamlıq problemlərinə yol aça bilər.

Azmedinfo.az Ümumdünya Səhiyyə Təşkilatının (ÜST) məlumatına əsasən yazır ki, antibiotiklərin düzgün və əsaslandırılmamış istifadəsi antibiotiklərə qarşı müqavimətin — yəni antibiotik-rezistent bakteriyaların yaranmasına səbəb olur. Bu isə gələcəkdə hətta sadə infeksiyaların belə müalicəsini çətinləşdirə və ölümcül nəticələrə gətirib çıxara bilər.

Bu səbəbdən antibiotiklər yalnız ixtisaslı tibb mütəxəssisinin məsləhəti ilə və resept əsasında qəbul edilməlidir. Özbaşına dərman istifadəsi, xüsusilə də antibiotiklər kimi güclü təsirə malik preparatlar, insan orqanizminə mənfi təsir göstərə bilər.

Unutmayın:
- Qrip və soyuqdəymə virus infeksiyalarıdır və antibiotiklərlə müalicə olunmur.
- Özbaşına antibiotik istifadəsi bakteriyaların güclənməsinə və onların gələcəkdə heç bir dərmana reaksiya verməməsinə səbəb ola bilər.
- Əgər xəstəlik əlamətləri hiss edirsinizsə, mütləq şəkildə ixtisaslı həkimə müraciət edin.

Sağlamlığınızı qorumağın ilk şərti – məlumatlı və məsuliyyətli olmaqdır.