Ümumdünya Səhiyyə Təşkilatının məlumatına görə, bakteriya, virus, parazitlər və ya ağır metallar kimi kimyəvi maddələrlə çirklənmiş qidaların istehlakı 200-dən çox xəstəliyə səbəb ola bilər.

Azmedinfo.az ÜST-ün təqdimatında sağlam qalmaq və təhlükəsiz qida istehlak etmək üçün 5 əsas qaydaya əməl etməyə çağırır:

Təmizliyi qoruyun – Əllərinizi, mətbəx alətlərini və səthləri daim təmiz saxlayın.

Çiy və bişmiş qidanı ayırın – Çiy ət və digər məhsulları bişmiş qidalardan ayrı saxlayın.

Qidanı yaxşı bişirin – Bakteriyaların məhv edilməsi üçün yeməkləri kifayət qədər istilikdə bişirin.

Qidanı təhlükəsiz temperaturda saxlayın – Hazır yeməkləri otaq temperaturunda uzun müddət saxlamayın.

Təmiz su və sağlam xammaldan istifadə edin – Qida hazırlığında içməli su və keyfiyyətli məhsullar seçin.

Qida təhlükəsizliyi sağlam həyatın təməlidir!