İnsult – beyinə qan axınının kəskin pozulması – təcili tibbi müdaxilə tələb edən vəziyyətdir. Onun ən çox rast gəlinən əlaməti üzün, qolun və ya ayağın, xüsusilə bədənin bir tərəfində qəfil zəiflik və ya keyimə hissidir.

Azmedinfo.az həkimlərin rəyinə əsaslanaraq yazır ki, bu vəziyyət bəzən əl və ayaqda tutmama, üzdə isə asimmetriya ilə müşayiət oluna bilər.

ÜST insultun digər əlamətləri arasında bu əlamətlərin görüldüyünü qeyd edir:

Qəfil başgicəllənmə və ya yıxılma,

Tarazlığın və koordinasiyanın pozulması,

Danışıqda çətinlik, sözləri düzgün tələffüz edə bilməmək və ya başqalarını anlamamaq,

Bir və ya hər iki gözdə qəfil görmə zəifliyi,

Ayaqda və ya bədəndə hissiyyatın itməsi,

Şiddətli və səbəbsiz baş ağrısı.

Bu simptomlar qəfil şəkildə baş verdiyi üçün vaxt itirmək olmaz. Əgər siz və ya ətrafınızdakı kimsə bu əlamətləri göstərirsə, dərhal təcili tibbi yardım çağırmaq həyati əhəmiyyət daşıyır.

Unutmayın: Vaxtında müdaxilə beynin zədələnmə səviyyəsini azalda və həyat qurtara bilər.