Ümumdünya Səhiyyə Təşkilatı (ÜST) xəbərdarlıq edir ki, uşaqları qızılcaya qarşı peyvənd etməmək onların sağlamlığı üçün ciddi risk yaradır. Bu yoluxucu xəstəlik ağır fəsadlara – o cümlədən beyin iltihabı, ağciyər sətəlcəmi və hətta ölümə səbəb ola bilər.

Azmedinfo.az ÜST-yə istinadən bildirir ki, qızılca yüksək yoluxuculuq qabiliyyətinə malik infeksiyadır və uşaqlar arasında çox sürətlə yayılır. Peyvənd olunmayan uşaqlar bu virus qarşısında tamamilə müdafiəsiz qalır.

Valideynlərə tövsiyə olunur:

Uşağınızın qızılcaya qarşı peyvəndinin vaxtında və yeni vurulduğundan əmin olun.

Peyvənd iki doza şəklində, milli immunizasiya təqviminə uyğun şəkildə vurulmalıdır.

Unutmayın, qızılcaya qarşı peyvənd həm uşağınızın sağlamlığını, həm də ictimai sağlamlığı qorumağın ən təsirli yoludur.