Bambino Gesu Pediatric Hospitalın nümayəndə heyəti Azərbaycana səfəri çərçivəsində K.Y. Fərəcova adına Elmi-Tədqiqat Pediatriya İnstitutunu ziyarət edib.

Azmedinfo.az xəbər verir ki, görüş zamanı qonaqlara institutun fəaliyyəti, göstərilən tibbi xidmətlər, elmi-praktik istiqamətlər, eləcə də beynəlxalq əməkdaşlıq əlaqələri barədə geniş məlumat təqdim olunub. Bildirilib ki, institutda pediatriya sahəsində müasir yanaşmalar tətbiq edilir və uşaqların sağlamlığının qorunması istiqamətində müxtəlif layihələr həyata keçirilir.

Səfər çərçivəsində nümayəndə heyəti institutun müxtəlif şöbələrində yaradılmış şəraitlə tanış olub, müasir tibbi avadanlıqlara baxış keçirib. Tərəflər arasında pediatriya sahəsində təcrübə mübadiləsi, elmi əməkdaşlıq və gələcək birgə layihələr ətrafında fikir mübadiləsi aparılıb.

Görüşdə beynəlxalq tibbi əməkdaşlığın genişləndirilməsinin uşaqların sağlamlığının qorunması və müasir tibbi təcrübələrin paylaşılması baxımından mühüm əhəmiyyət daşıdığı vurğulanıb.