Azərbaycan Respublikası Səhiyyə Nazirliyinin Elmi-Tədqiqat Tibbi Bərpa İnstitutunda Təşkilati-Metodik Şöbənin təşkilatçılığı ilə seminar keçirilib.

Azmedinfo.az xəbər verir ki, seminarda "Diaqnostik tədqiqatlar laboratoriyası"nın kiçik elmi işçisi Şəlalə Mehdiyeva, laboratoriyada "Hemostaz sisteminin tətbiqi və qiymətləndirilməsinin laboratoriya üsulları" mövzusunda müfəssəl təqdimat edib.

Seminarın məqsədi, hemostaz sisteminin təhlili və laboratoriya müayinələrinin keyfiyyətinin artırılması ilə bağlı nəzəri və praktik məlumatları iştirakçılarla bölüşmək olub.

İştirakçılar arasında institutun elmi işçiləri, laboratoriya rəhbərləri və həkimlər yer alıb. Tədbir, elmi və tibbi bilikləri paylaşmaq, həmçinin müasir tibbi texnologiyaların tətbiqini müzakirə etmək üçün əhəmiyyətli fürsət yaradıb.

Seminarın sonunda mövzuya dair geniş müzakirələr aparılıb, iştirakçıların sualları cavablandırılıb.

Tədbir, həmçinin gələcəkdə bu sahədə daha dərin tədqiqatların aparılmasına təkan verəcək vacib addım olaraq qiymətləndirilib.