Azmedinfo.az xəbər verir ki, Azərbaycan Cərrahiyyə, Qastroenterologiya və Onkologiya Cəmiyyətinin, eləcə də Liv Bona Dea Hospitalın təşkilatçılığı ilə “Periton xərçənginin müalicəsi: cərrahi, kimyəvi və HİPEC” mövzusunda elmi-praktiki konfrans keçirilib.

Periton xərçəngi özündə kolorektal, mədə, over xərçəngi və s. kimi müxtəlif xərçəng növlərini ehtiva edir. Müalicə xərçəngin mərhələsinə, ölçüsünə, yayılmasına və xəstənin ümumi sağlamlığına görə dəyişə bilər. Müalicə üsullarına cərrahiyyə, kimyaterapiya, qızdırılan intraperitoneal kimyaterapiya (HİPEC) və sistemli kimyaterapiya daxil ola bilər.

Öz işini bölmə müzakirələrində davam etdirən konfransda periton xərçənginin müalicəsində müasir tibb elminin qazandığı nailiyyətlərdən, azərbaycanlı alim və mütəxəssislərin yanaşmalardan söz açılıb, gələcək perspektivləri müzakirə olunub.