Səhiyyə Nazirliyi Elmi-Tədqiqat Kardiologiya İnstitutunda “Diastolik disfunksiyanın ürəyin işemik xəstəliyində rolu mümkündürmü?” mövzusunda seminar keçirilib.

Azmedinfo.az xəbər verir ki, seminarın rəhbəri, professor Rufulla Abdullayevi tədbiri açıb. Məruzəçi tibb üzrə fəlsəfə doktoru Firuz İbrahimov diastolik disfunksiyanın müxtəlif klinik vəziyyətlərdə necə təzahür etdiyini və bu xəstəliyin işemik ürək xəstəliyi ilə əlaqəsinin nə dərəcədə ciddi olduğunu izah edib. O, həmçinin, müasir diaqnostik və terapevtik yanaşmalarla bu vəziyyətlərin effektiv şəkildə idarə olunmasını vurğulayıb.

Seminarda diastolik disfunksiyanın ürəyin işemik xəstəliyinin inkişafına təsiri, bu patologiyanın müalicə üsulları və xəstəliklərin qarşısının alınması məsələləri ətrafında geniş müzakirələr aparılıb. 

Sonunda iştirakçılar arasında müzakirələr zamanı diastolik disfunksiyanın erkən mərhələlərdə aşkar olunmasının, həmçinin müalicə üsullarının effektivliyinin artırılmasının vacibliyi ön plana çıxıb.