12 noyabr – Ümumdünya Sətəlcəmə qarşı Mübarizə Günüdür

12 Noyabr 2025

438

12 noyabr – Ümumdünya Sətəlcəmə qarşı Mübarizə Günüdür

Sətəlcəm (pnevmoniya) və ya ağciyər sətəlcəmi kəskin infeksion xəstəliklərə aiddir. Bu infeksiyanın orqanizmə düşməsi yolları müxtəlifdir. O, çox vaxt hava-damcı yolu ilə, bəzən də qan axını vasitəsilə yayılır. Pnevmoniyanın törədiciləri müxtəlif viruslar, bakteriyalar və göbələklər ola bilər.

Simptomları titrətmə, yüksək temperatur, tərləmə, döş qəfəsində ağrı, qısalmış tənəffüs, öskürək, yaşıl və ya sarı bəlğəm ola bilər.

Sətəlcəm xəstəliyinə tutulmanın qarşısını almaq aşağıdakılar tövsiyə olunur.

- Vaksinasiya olunun;

- Əllərinizi tez-tez sabunla yuyun;

- Tütün çəkmədən imtina edin;

- Sağlam qidalanın;

- Digərlərini qorumaq üçün öskürərkən ağzınızı dəsmalla tutun.

Azmedinfo.az Ümumdünya Sətəlcəmə Qarşı Mübarizə Günündə hər kəsi sağlamlığını qorumağa çağırır. Özünüzü və sevdiklərinizi qorumaq üçün hər öskürəyə, hər nəfəs darlığına biganə qalmayın, həkimə vaxtında müraciət edin!